Kuhusu Sisi
Mustakabali wa magari ya umeme, mifumo ya nishati jadidifu, teknolojia za utengenezaji wa hali ya juu na sekta za ulinzi unategemea upatikanaji wa uhakika wa Madini ya kimkakati. Tanzania ina rasilimali za grafiti za kiwango cha kimataifa ambazo zinaimarisha nafasi yake inayokua katika minyororo ya usambazaji wa nishati safi duniani. Duma, kampuni tanzu ya EcoGraf Limited, inaendeleza Mradi wa Grafiti wa Epanko, ambao ni miongoni mwa miradi ya grafiti asilia iliyoendelea zaidi nchini. Kupitia uchimbaji madini wenye uwajibikaji, ushirikiano imara na jamii za wenyeji, pamoja na kuongeza thamani ya bidhaa ndani ya nchi, Duma imejizatiti kuleta manufaa endelevu kwa jamii za Watanzania huku ikiunga mkono minyororo imara ya usambazaji wa malighafi za anodi za betri na masoko ya viwanda duniani.
Mradi wa Epanko
Mradi wa Grafiti wa Epanko, uliopo kusini mashariki mwa Tanzania, ni miongoni mwa miradi mikubwa na iliyoendelea zaidi duniani ya maendeleo ya grafiti asilia, ukiwa na rasilimali ya ubora wa juu inayofaa kwa utengenezaji wa malighafi za anodi za betri na matumizi mbalimbali ya viwandani.
Mradi huu uko katika hatua za mwisho za kupata ufadhili wa mkopo, kupitia mkopo unaoungwa mkono na UFK na kusimamiwa na KfW IPEX-Bank. Tathmini zote za kiufundi, kimazingira, kijamii na kibiashara zimekamilika, zikionyesha umuhimu wa kimkakati wa Mradi wa Epanko katika minyororo ya usambazaji wa madini muhimu kimkakati duniani pamoja na kuendana kwake na viwango vya kimataifa vya ESG na ufadhili wa maendeleo.
Manufaa ya Kiuchumi kwa Jamii za Wenyeji
Shughuli za kampuni nchini Tanzania zinatarajiwa kuleta manufaa makubwa ya kiuchumi katika ngazi za kikanda na kitaifa katika kipindi chote cha maisha ya mgodi (LOM). Tafiti za mradi zimeonesha uwezo wa kusaidia:
- Mamia ya fursa za ajira za moja kwa moja wakati wa ujenzi na uendeshaji wa mradi
- Fursa za ajira zisizo za moja kwa moja kupitia wakandarasi, watoa huduma, na minyororo ya usambazaji ya ndani.
Mchango mkubwa wa kiuchumi kwa jamii za wenyeji na uchumi wa - Tanzania kwa ujumla kupitia mishahara, manunuzi ya bidhaa na huduma, kodi, mrabaha, na maendeleo ya miundombinu katika kipindi chote cha maisha ya mgodi
EcoGraf na Duma TanzGraphite zinaendelea kuona ajira za wenyeji, uhamishaji wa ujuzi, na ushiriki wa kiuchumi kama nguzo muhimu za mkakati wao wa maendeleo, kuhakikisha kuwa ukuaji wa mradi unaleta manufaa ya kudumu kwa Tanzania na jamii zinazozunguka mradi.
 |
 |
 |
|---|---|---|
| Ajira na Nguvu Kazi | Ununuzi wa Ndani | Mchango wa Kiuchumi |
| Takribani ajira za moja kwa moja 300–500 zitapatikana wakati wa ujenzi na kipindi cha uendeshaji wa mradi | 60–70% ya matumizi ya uendeshaji wa mgodi yataelekezwa kwa wasambazaji wa ndani nchini katika kipindi chote cha maisha ya mgodi | Takribani dola bilioni 3 za Marekani za thamani ya kiuchumi zitazalishwa nchini katika kipindi chote cha maisha ya mgodi |
| Ajira zisizo za moja kwa moja 1,500–2,000+ zitachangiwa kupitia wakandarasi wa ndani, wasambazaji, huduma za usafirishaji na huduma nyingine mbalimbali | Ushiriki mkubwa wa biashara zinazomilikiwa na Watanzania katika ujenzi, usafirishaji, matengenezo, huduma za chakula, ulinzi na huduma za kitaalamu | Thamani ya kiuchumi itatokana na mishahara, ununuzi wa bidhaa na huduma, kodi, mrabaha na uwekezaji katika jamii |
| 85–95% ya wafanyakazi wa mradi wanatarajiwa kuwa Watanzania, huku nafasi za kitaalamu na usimamizi zikiongezwa kwa Watanzania hatua kwa hatua | Maendeleo ya muda mrefu kwa wasambazaji wa ndani na uhamishaji wa ujuzi ili kuimarisha minyororo ya ugavi ya ndani | Athari chanya za kiuchumi zitaendelea kuchangia maendeleo ya kikanda, uhamishaji wa ujuzi na ukuaji wa shughuli nyingine za kiuchumi |
| Mafunzo kwa wafanyakazi wa ndani yatakayowawezesha Watanzania kupata ujuzi wa uchimbaji madini na taaluma nyingine za kiufundi zinazoweza kutumika katika sekta mbalimbali | Uboreshaji wa miundombinu utakaoleta manufaa kwa mgodi na jamii zinazouzunguka, ikiwemo barabara, vituo vya umeme, makazi mapya, shule na vituo vya afya kwa watu watakaohamishwa kutokana na mradi |
Muundo wa Umiliki wa Kampuni
Ushirikiano muhimu kati ya Sekta ya Umma na Sekta Binafsi unaojengwa juu ya misingi ya usawa na kuaminiana. Serikali ya Tanzania inamiliki hisa za asilimia 16 katika mradi bila kuchangia mtaji wa awali, kuhakikisha kuwa serikali inanufaika moja kwa moja kupitia mgao wa faida za mradi.
Opportunities
Ajira
Duma TanzGraphite inatafuta watu wenye ari, wanaojiendesha kwa bidii na wanaoshiriki maadili yetu ya usalama, ushirikiano na jamii, ubunifu, uendelevu na uadilifu.
Uwasilishaji wa Nia ya Ushirikiano
Duma TanzGraphite inatoa kipaumbele kwa ununuzi wa bidhaa na huduma kutoka kwa biashara za Kitanzania kupitia Mpango wetu wa Maudhui ya Ndani (Local Content Plan). Tunakaribisha wasambazaji wa ndani na wa kimataifa wanaoshiriki dhamira yetu ya usalama, ubora na maadili ya biashara yenye uwajibikaji.
